إزاي أذاكر بذكاء وبمجهود أقل؟!

            

 معظم الطلبة وإن لم يكن أغلبهم بيعانوا من المذاكرة الحفظ وتثبيت المعلومه؛ ودا سببة ان مش بتذاكر بذكاء وبكدة هتبذل مجهود اكبر ووقت أطول بفائدة أقل. تعالي اقلك على شوية نصايح لمذاكرة أفضل.

1- ذكر الله والصلاة والدعاء قبل كل شئ: وما توفيقي إلا بالله، الاستعانة بالله اهم حاجة والدعاء كتير ومتنساش صلاتك ووردك من القرآن، متقلش أن كدة وقتي هيضيع ومش هذاكر، حط في بالك دايما أن مزاحمة القرآن في حياتك بتزيد البركة، وأكيد لما تبدأ بقرائة صفحة واحدة من القرآن هتبارك في وقتك وجهدك، وافتكر دايما أن عليك السعي وعلي الله النتيجة.
2- دايما ذكر نفسك بأهدافك: أعمل نوت اكتب فيها أهدافك، و حلمك وخلية دايما قصادك ،دا هيحفزك للمذاكرة أكتر وأن ليك هدف انت عايز توصلة وحط الجملة دي في مكان مذاكرتك "لا ابرح حتي أبلغ".
3-رتب مكانك وجهز أدواتك: هئ نفسك لجو المذاكرة، ورتبت مكتبك وجهز كتبك وأ دواتك هتحس براحة وهتكون عندك رغبةللمذاكرة،وأبدأ بسم الله.
4- ممارسة الرياضة: أعمل تمرين خفيف قبل المذاكرة    أو اتمشي خمس دقايق لتنشيط خلايا المخ، ومتنساش تشرب ماية كتير بين المذاكرة لزيادة تركيزك.              
5- أبعد عن أي مشتشات: وأهمها وسائل التواصل   الاجتماعي، والتلفزيون، وحاول تقلهم في البيت أنك محتاج هدوء للمذاكرة دا هيضمنلك مذاكرة أفضل مع راحة بال.                                                                 

6-نم٧_٨ساعات يوميا.                                                

 7- أصحي بدري:لأن ساعة صباحا بتعادل باقي سعات النهار، وسيدنا محمد صلي الله عليه وسلم قلنا؛"بورك لأمتي في بكورها".
8- أهم حاجه إنك تذاكر بتقنية البومودورو: ذاكر ٢٥ دقيقه، و ٥ دقايق راحة، ممكن تزود عدد الدقايق،  ٤٥ دقيقه، و١٥ دقيقه راحة، وهي من أهم التقنيات الناجحة لمذاكرة منتجة.
9-نوع من المواد الدراسية: متذاكرش مادة واحدة ليوم كامل هتشعر بالملل وممكن تأجل، الأفضل قسم يومك علي مذاكرة جزء من كل مادة هتنجز كتير.
10-ذاكر بأكثر من طريقة: خلي الكتابة اخر حاجه تعملها، مثلا ذاكر وأنت متخيل إنك هتشرح بعد كدة مش هتنسي إلي ذاكرتة، ممكن تغني،أعمل خرائط الذهنية، أو كلمات مفتاحية للعناصر الكتير.
11-ردد الكلمات والعناصر المهمة، ولون أهم العنواين. 12- أبعد عن السكريات والأكل الغير صحي: استبدل أكلك بفاكهة وخضروات وأبعد عن الأكل المسبب للخمول والكسل.
13-بر الوالدين: شئ اساسي علشان تصاحبك بركة دعائهم في كل مكان.
14-  أدعي كتير ومتنساش الصلاة على أشرف الخلق سيدنا محمد صلي الله علية وسلم.
وأخيرا لازم تعرف : "وَأَنْ لَيْسَ لِلإِنسَانِ إِلَّا مَا سَعَى [النجم:39]، والنتيجة علي ربنا. اسعي واتعب واجتهد وسعيك وجهدك عمرة ما هيضيع، قوله - تعالى - : ( وَأَنَّ سَعْيَهُ سَوْفَ يرى ثُمَّ يُجْزَاهُ الجزآء الأوفى ).