كيف أصبح شخص ملتزم دينياً؟ 6 طرق تجعلك شخص ملتزم دينياً وتغير حياتك للأفضل.

 كيف أصبح شخص ملتزم دينياً؟ سؤال بيتكرر كتير فذهن أي شخص بيبدأ فطريق  الإلتزام ويحس إنه مشتت ومش عارف يبدأ منين وإزاي. فإليك 6 طرق لو استمريت عليهم وانت متيقن إنك هتتغير للأحسن وهتلتزم، فهنيئاً لك مقدماً يا بطل.

كيف أصبح شخص ملتزم دينياً؟

إليك 6 طرق تجعلك شخص ملتزم دينياً.

فالبداية أحب أقولك إنك مش هتلتزم عالطرق دي إلا لو كان عندك قوة يقين، إنه يزداد يقينك فيما وعدت من هذا الطريق من طيب الحياة والراحة فالدنيا والأخرة وغير ذلك، فلو حصلك يقين هيبان بقا عليك زي إنك فعلاً يكون عندك يقين إن الصدقة لا تنقص المال حتى وإن خالف ما تراه بعينك، فاليقين والإلتزام كالروح والجسد فالجسد بلا روح لا وجود له وكذلك الإلتزام بلا يقين لا وجود له.

وهذه الطرق ال6 هي:

1/ ابدأ صح (الجدية فالإلتزام).

فإنت فالبدايه لازم تاخد قرار إنك تكون جاد، جاد فكل حاجه تخص العبادة.

2/ الدعاء.

فلن تصل لله إلا بالله، فإوعى تعلق قلبك بشخص عشان تكون ملتزم ولكن علق قلبك دائماً بالله. طول الطريق ارفع إيدك وقول يارب.

3/ غير أخلاقك مع أهلك وإخواتك وأصحابك.

لما تغيرأخلاقك مع أهلك وأصحابك للأفضل هتحس بتأثير دا عليك وعلى شخصيتك ويسهل عليك طريق الإلتزام. أصل مينفعش تكون ملتزم وإنت مش بار بوالديك ولا بشوش وكريم مع اخواتك وأصدقائك، فصغار هذه الأمور في نظرك تسهل عليك الطريق من غير متحس وكمان أجرها عند ربنا كبير.

4/ ابدأ مع القرآن.

والمقصود إنك مش تقرأه بس المقصود إنك تدبره وتعرف تفسير كل أية وتعيش مع القرآن، القرآن هيغيرك من غير متحس، فاحرص إن يكون إسبوعك لا يخلو من ورد تدبر(فكل ما تريد أن تصل به إلى الله حوله إلى ورد).فنحن في حياة دائمة الشتاء فلن تجد الدفء إلا مع الله عز وجل.

5/ افهم معنى الالتزام.

الإلتزام معناه إنك هتلزم وتستمر فالطريق دا مدى حياتك، يعني في أعمال إنت مينفعش تضيعها ولا تغفل عنها بأي شكل من الأشكال يعني هتكون خطوط حمرا مينفعش تخالفها أبداً أبداً زي:

• الصلاة على وقتها.
• أذكار الصباح والمساء، واللي بتعتبر كنز حقيقةً، فهي إنشراح للصدر واستحضار لمعية الله وحفظه لنا، ومن ذكر الله في حياته ذكره الله فى الملأ، فقد جاء في الحديث عن الرسول صلى الله عليه وسلم"يقول الله عز وجل انا عند حسن ظن عبدي بي، وأنا معه حين يذكرني إن ذكرني في نفسه ذكرته في نفسي،  وإن ذكرني في ملأ ذكرته في ملأ خير منهم.
• ورد القرآن، ومش شرط يكون ورد القراءة وورد التدبر كبير فابدأ بالقليل ولكن مع الإستمرار فقليل دائم خير من كثير منقطع، وبعد كده مع الإستمرارية زود الورد بقا وإنت مطمن.
• صلاة الضحى ولو ركعتين عالأقل.

6/ اشحن قلبك ونفسك.

اشحنهم بالمقاطع الدينية، حفظ القرآن والدعاء ولو دقيقة بعد كل صلاة.