التصميم الداخلي للمنازل وتأثيره على راحتنا النفسية!

 - هل فعلا التصميم الداخلي للبيت ممكن يأثر علي راحتنا النفسية ؟

    - أهمية وسحر التالداخليصميم الداخلي لا تقتصر علي تزيين المكان وتنسيقه، لكن بيمتد لنواحي أخري بتوفر الأحساس الرائع والمريح اللي بتحسه لما تدخل البيت .

    - أي الفرق بقى بين التصميم الداخلي وتصميم الديكور ! 

    - التصميم  بيهتم بسلوكيات الإنسان وتفاعله داخل المكان ( تصميم يناسب شخصيتك وروتينك اليومي ومستوى المساحة والحماية المناسب مع الروتين ده ) مثل .. توزيع المسافات وإختيار نوع الأسطح لتوفير الأمان المناسب .

    

    - أما هندسة الديكور بتهتم بتوزيع ألأثاث في المكان وتعديلة، عشان نخلق صورة جمالية جوا البيت باستخدام عناصر مختلفة بتكمل بعض، مثلا المقابض والادراج .

««طب أي هي أهم عناصر التصميم الداخلي الي ممكن توفرلي الإحساس الرائع والمريح ده !

١- التوازن : دي النقطة الي بنحقق عندها الراحة البصرية عن طريق التوزيع المتماثل والمناسب للعناصر ( كل مساحة فيها عدد كافي من ألأثاث والعناصر الي هتساعدني استخدم المساحة دي، مفيش مساحة فيها كل حاجة ومساحة فيها ولا حاجه !)

٢-الفراغ + بؤرة التركيز : المساحة الفاضية هي الچوكر فنجاح التصميم الداخلي عن طريق تنفيذ حيز داخلي فاضي باستخدام عناصر مختلفة ممكن تكون أساسية أو تكميلية .

طب أي بردو هنسيب المكان فاضي ونقول الچوكر ؟؟؟

لا، هنعكس الفروع فالجزء ده علينا، بمعني هنستخدم عنصر محدد (عمل فني، لوحة، أو قطعة ألأثاث، دفاية حطب......) 

وهتكون هي دي بؤرة التركيز .. ويفضل يكون العنصر ده او قطعه الاثاث مميزة وبنحبها وبألوان بنحبها بتدينا شعور بالراحة أو بالسعادة، وتحسس أي شخص يزور البيت بالتميز والراحة والانسيابية .

وأكيد مش معني كده إننا نملي البيت أماكن فراغ ! عشان يبقا كورنر مميز ومش معتاد ....

من الأخر يا صديقي هدف بؤرة التركيز هو جذب الإنتباه ✨

٣- الإيقاع والتناغم : وهنحققه عن طريق الحركة المنظمة جوا المساحة بتاعتنا ( إضاءة - ألوان - تكرار الأشكال والخطوط سواء على الحيط أو علي الاثاث ) 

٤- الوحدة والتكوين : ببساطة تكون العناصر إللي فى المساحة بتاعتنا بتكمل بعض ( كل عنصر ليه شخصية مميزة واستخدام مختلف، لكن لما بيجتمع مع باقي العناصر بيكون صورة جميلة مكتملة ) 

أخيرًا

: إزاي اعرف أعرف النمط الي يناسبني ويريحني فى التصميم !!

- سواء هنفذ التصميم بنفسي أو مهندس تصميم أكيد هيفيدنا أننا نعرف الي محتاجينه ويناسب ذوقنا وراحتنا فى نفس الوقت..

- فإليك يا عزيزي حبة خطوات زي ما بيقولوا كده عشان تفهم نفسك ...

١)أبدٱ فكر فالشعور الي عايز يبتدي يعكسه بيتك أو غرفة نومك عليك ( دافئ وهدوء ، حركة ونشاط ........)

٢)أختار كلمات ممكن توصف بيها البيت 

٣)حدد أهم العناصر الي ممكن تساعدك فالشعور بالإنسيابية والراحة والي متقدرش تستغني عنها فمكانك ( نباتات ، مفروشات كروشيه ، لوح ، أعمال فنية ويدوية بأشكالها ، چوزاڤين ....)

٤) أختار النمط المناسب لطبيعة حياتك ( كلاسيكي، مودرن، بسيط ....)

٥) أستعين بالمواقع الي بتوفر كتير من التصميمات وده هيساعدك علي التغذية البصرية وهتعرف انت مايل لأيه أكتر.