إزاي تتعلم
الجرافيك؟
الجرافيك والتصاميم الإلكترونية حاجة مهمة جدًا في العصر
الحالي وكمان ممكن توفر لك لو تمكنت منها وظيفة بدخل كويس كفريلانسر أو في شركة.
الجرافيك ديزاين مجال واسع وبيمزج بين اكتر من علم، لكن
اللمسة الفنية لكل مصمم هي اللي بتميز مصمم عن التاني وتخليه ناجح ومتفوق.
أول حاجة في تعلم الجرافيك إنك تحدد عندك لابتوب أو
إمكانية إنك تجيب واحد ولا لأ؛ لأن في برامج للتصميم على الموبايل غير برامج
الكمبيوتر أو اللاب توب.
برامج التصميم على الموبايل
ومن أشهر برامج التصميم على الموبايل:
1.
Picsart
2.
Pixelab
3.
Pixlr
4.
Painter Mobile
5.
Adobe Illustrator
6.
Adobe Photoshop Express
معلومة مؤسفة لمحبي الأيفون أن أغلب البرامج دي متاحة
للأندرويد فقط.
البرامج دي بتديك إمكانيات مختلفة من تعديل الصور،
وإضافة الفلاتر، ودمج الصور والألوان، والجزء الأصعب والأدق وهو عمل تصميم من
الصفر، كمان بتمكنك من الكتابة على الصور واستخدام خطوط مختلفة سواء بالعربي أو
الإنجليزي.
عشان تتعلم التصميم والجرافيك على الموبايل مجانًا دي
أشهر قنوات اليوتيوب اللي بتعلم الجرافيك بالموبايل بالعربي:
1.
MR_GRD
2.
Omar Hassan
هتلاقي عندهم شرح لتطبيقات مختلفة وازاي تعمل تصميمات من
الصفر وخطوات العمل التفصيلية على البرامج لحد ما توصل لمستوى جيد في الجرافيك.
الاختيار التاني
إنك تتعلم على اللاب توب.
ومن أشهر برامج الجرافيك على اللاب توب:
·
Adobe Photoshop
·
Adobe Illustrator
·
Inkscape
·
Sketch
·
Affinity Designer
طبعًا فيها نفس إمكانيات برامج الموبايل مع إمكانيات
أعلى ونتائج أفضل.
أشهر قنوات اليوتيوب اللي بتعلم الجرافيك باللاب توب أو الكمبيوتر بالعربي:
·
Amr Atallah
·
Nour Design
هتلاقي عليهم شرح وافي لمختلف البرامج وأنواع التصاميم
وكمان مواكبة للتحديثات في البرامج وصناعة الجرافيك اللي بتتطور بشكل سريع جدًا.
دلوقتي أنت الحمد لله اخترت البرامج المناسبة معاك
ووسيلة التعلم واتعلمت الجرافيك حاول تحدد مجال تتخصص فيه عشان تتميز وتبني اسمك
في مجال الجرافيك، ودي مش حاجة سهلة.
أشهر مجالات شغل
الجرافيك:
·
تصميم الإعلانات
سواء السوشيال ميديا أو المطبوعة.
·
تصميم المجلات
والكتب الإلكترونية والمطبوعة.
·
تصميم اللوجوهات أو
العلامات التجارية.
·
تصميم هويات
الشركات.
·
المونتاج والفيديو
موشن جرافيك.
·
تصميم الملابس.
·
تصميم المنتجات.
·
تصميم المواد
الدعائية المختلفة.
·
تصميم المواقع
الإلكترونية.
·
التصميم الهندسي
(لكن ده مجال تخصصي أكتر مش بيعتمد عالموهبة والإبداع بقدر اعتماده على دراسة
الأسس والقواعد الهندسية).
·
تصميم الألعاب.
·
تصميم
الاستوديوهات.
أتمنى
يكون المقال وجهك لبداية الطريق في تعلم الجرافيك وكان مفيد ليك.
تعليقات
إرسال تعليق
شاركنا بتعليقاتك